- Tíðindi, mentan og ítróttur
Vænta lægri prís fyri makrelin
<div>Tað er serliga í Afrika, at keyparar eru varnir við at bjóða ov nógv fyri makrel úr millum annað Føroyum. Japan, hinvegin, letur besta prísin fyri makrel, men Japan setur eisini størstu krøvini til dygdina.</div><div> </div><div>Fiskeribladet Fiskaren skrivaði í farnu viku, at Norra útflutti uppsjóvarfisk fyri 200 milliónir krónur meira fyrra hálvárið 2012 enn í fjør. </div><div>Sambært Norges Sjømatråd er orsøkin millum annað betri miðalprísur fyri makrel, 12 prosent betri, enn í fjør. Kina, Russland, Japan og Turkaland eru størstu keyparalondini. </div><div><br></div><div><b>Frystur makrelur</b></div><div><br></div><div>Talan er um frystan makrel, sum lá á goymslu frá í fjør. Norra fekk miðalprísin 13,00 kr. fyri kilo. Føroyar fingu slakar 9,00 kr. fyri kilo av makreli, sum varð útfluttur fyrstu fýra mánaðirnar í ár.</div><div> </div><div>Norra fekk harafturat sera góðan prís fyri sild og sildaflak, men lodnan fór niður í prísi.</div><div><br></div><div>Hagtølini fyri føroyskan útflutning fýra teir fyrstu mánaðirnar í ár vísa ikki so stóra príshækking sum ta norsku.</div><div>Miðalprísurin fyri kilo av útflutta føroyska uppsjóvarfiskinum er 30 oyru hægri í ár, tá hann var 4,96 kr.</div><div><br></div><div>Føroyar útfluttu makrel, sild, lodnu og svartkjaft frá 1.januar til 1.mai í ár. </div><div><br></div><div>Føroysku skipini, sum fiska makrel nú í summar, fáa 5,00 til 5,50 kr. fyri kilo, tá tey landa. Tað er nakað meira enn hesa tíðina í fjør.</div><div><br></div>
