- Tíðindi, mentan og ítróttur
Fiskimálaráðið steðgar væntandi Fámará
<p class="MsoNormal">Búnaðarstovan hevur tvey sløg av tilboðum upp á festið, tvey í pengum og
tvey í pengum og mótkrøvum. Og verða mótkrøvini tikin við, hevur uppsitarin seinastu 12 árini nógv
hægsta boðið.</p>
<p class="MsoNormal">Men Búnaðarstovan góðtekur ikki mótkrøv
sum pengar. Festið varð selt við kravi um bankatrygd fyri boðnum. Og tá hevur
maðurin, sum einaferð var festari í Fámara, hægsta boð:</p>
<p class="MsoNormal"><b>Viðgerðin ikki byrjað</b> </p>
<p class="MsoNormal">Nú 11 dagar eru farnir, síðani Johan Dalsgaard í Fámara kærdi
Búnaðarstovuna til Fiskimálaráðið, er viðgerðin í Fiskimálaráðnum ikki
rættiliga byrjað, tí ymiskt samskifti hevur verið millum partarnar.<p></p></p>
<p class="MsoNormal">Fiskimálaráðið skal í fyrsta umfari taka støðu til, um kæran skal hava
steðgandi virknað, tað er, um Búnaðarstovan skal bíða við at selja festið í
Fámara til kæran er avgreidd.</p>
<p class="MsoNormal">Í øðrum lagi bað Johan Dalsgaard um, at alt málið verður tikið frá
Búnaðarstovuni og latið øðrum stovni.</p>
<p class="MsoNormal"><p><b>Steðgandi virknað</b> </p></p>
<p class="MsoNormal">Rógvi Reinert, aðalstjóri í Fiskimálaráðnum, sigur, at tey fara fyrst at
taka støðu til, um kæran frá Johan Dalsgaard skal hava steðgandi virknað. Og
sum skilst fær kæran steðgandi virknað, men avgerðin er ikki tikin enn.</p><p class="MsoNormal">Tá endaliga freistin at bjóða upp á festi í Fámara var farin, vóru fýra
boð. Tvey boð vóru í reinum pengum og tvey vóru bæði í pengum og við
mótkravi.</p>
<p class="MsoNormal">Taka við boðini í reinum pengum hevur Árni Brattaberg í Vági hægsta boð,
520.000 kr., næst hægsta boð hevur Jens Heri Jacobsen í Sumba, 400.000 kr. Jens
Heri hevur verið uppsitari í Fámara í 12 ár. Síðani er eitt boð frá Niels
Winther Poulsen, advokati, fyri ónevndan bjóðara, tað boðið er 206.000 kr.
Fjórða og lægsta boð eigur Johan Dalsgaard, 125.000 kr.</p>
<p class="MsoNormal"><b>Mótkrøv</b></p>
<p class="MsoNormal">Men so hava Jens Heri Jacobsen og Johan Dalsgaard mótkrøv, Jens Heri
fyri at hava verið uppsitari í 12 ár, og Johan Dalsgaard fyri at hava umvælt
bygningar og gjørt annað arbeiði í Fámara.</p><p class="MsoNormal">Tá mótkrøvini, ella endurgjaldakrøvini, eru tald við, sær røðin soleiðis
út: Jens Heri Jacobsen bjóðar eina millión og 712.500 kr., Árni Brattaberg
520.000 kr., Johan Dalsgaard 515.275 kr. og ónevndi bjóðarin hjá Niels W.
Poulsen 206.000 kr.</p>
<p class="MsoNormal"><p><b>Tekur ikki mótkrøvini við</b> </p></p>
<p class="MsoNormal">Búnaðarstovan telur ikki mótkrøvini við. Tá festið varð lýst til
sølu, stóð í lýsingini, at tey, sum bjóðaðu, skuldu hava váttan frá
peningastovni um fígging, sigur Bjørn Patursson, stjóri á Búnaðarstovuni.<p></p></p>
<p class="MsoNormal">Og tá er boðið, sum er 520.000 kr., hægsta boð. Tað boðið eigur Árni
Brattaberg. Og enn hevur Búnaðarstovan ikki steðgað viðgerðini av sølumálinum.</p>
<p class="MsoNormal">Búnaðargrunnurin, sum skal góðkenna
festibrævið og senda tað til tinglýsingar, mælir frá at steðga søluni, tí tá er
vandi fyri, at hægstbjóðandi, Árni Brattaberg, tekur seg aftur.</p><p class="MsoNormal"><p></p></p>
