- Tíðindi, mentan og ítróttur
Stovnsmetingarnar í vanda
<p class="MsoNormal">Stjórin á Havstovuni, Eilif Gaard, ger púra greitt, at fær Havstovan ikki útvið tvær milliónir krónur, so verður føroyska havrannsóknarskipið lagt. Og tað merkir aftur, at ongar yvirlitstrolingar verða gjørdar.</p><p class="MsoNormal"><br></p><p class="MsoNormal">- Eg vóni, at politiski myndugleikin ger sítt ítarsta til tess at finna pening, so vit kunnu reka skipið restina av árinum, annars kunnu eitt nú ongar yvirlitstrolingar gerast. Og yvirlitstrolingarnar verða brúktar sum ein týdningarmikil partur av stovnsmetingunum av okkara botnfiskastovnum, toski, hýsu og upsa í hesum førinum. Og stovnsmetingar skulu til í dag, annar kann vera trupult at selja fisk yvirhøvur, sigur stjórin á Havstovuni, Eilif Gaard.</p><p class="MsoNormal"><br></p>
<p class="MsoNormal"><b>Illa farin</b></p><p class="MsoNormal">Magnus Heinason er so illa farin,
at klassaeftirlitið hevur sett forboð fyri at skipið loysir. Skipið sleppur
ikki at sigla, fyrr enn umfatandi umvælingar eru gjørdar.</p>
<p class="MsoNormal"><br></p><p class="MsoNormal">Í løtuni
er Magnus heinason á beding á skipasmiðjuni hjá Mest í Havn.
Umvælingarkostnaðurin verður tikin av rakstrarjáttanini hjá Havstovuni. Men ein
eykajáttan má til, um Magnus Heinason skal gera yvirlitstrolingar í august.
Annars verður skipið lagt, hóast tað er umvælt.</p>
<p class="MsoNormal"><br></p><p class="MsoNormal"><b>Roynir at finna neyðuga peningin</b></p>
<p class="MsoNormal">Landsstýrismaðurin í
fiskivinnumálum, Jacob Vestergaard, ætlar at finna neyðugu pengarnar til magnus
Heinason. <p></p></p>
<p class="MsoNormal"> </p>
<p class="MsoNormal">Eykajáttanin
skal vera útreiðsluneutral, og tað merkir, at landsstýrismaðurin skal finna
pengarnar aðrastaðni á sínum øki. Hvar, veit hann ikki enn. Men tað fer
umsitingin at arbeiða við nú, sigur hann.</p>
