- Tíðindi, mentan og ítróttur
Onki úrslit í Neshaganum
<div>Kanningararbeiðið, sum løgreglufólk við servandum hundum hava gjørt í Neshaganum við Toftir, er steðgað.</div><div><br></div><div>Kriminalløgreglan segði seg annars hava fingið nýggjar upplýsingar í drápsmálinum um Dánjal Petur Hansen, og tí vórðu nýggjar kanningar gjørdar í einum øki í Neshaganum, sum fyrradagin og aftur í gjár varð avbyrgt fyri almenninginum.</div><div><br></div><div><b>Kanningarnar steðgaðar</b></div><div>Kriminalløgreglan ger í løtuni ongar kanningar í økinum, og økið er heldur ikki avbyrgt meira. Tí er einki, sum bendir á, at kanningarnar hava givið nakað úrslit, ella at løgreglan hevur funnið nakað.</div><div><br></div><div>Alt økið í Neshaganum er áður kannað í samband við drápsmálið. Men nýggjar upplýsingar fingu kriminalløgregluna at gera nýggjar kanningar har.</div><div><br></div><div><b>Sparin við upplýsingum</b></div><div>Løgreglan hevur verið og er framvegis sera afturhaldandi við upplýsingum um kanningararbeiðið. Eingin kunning er komin frá løgregluni, sum heldur ikki vil svara spurningum frá fjølmiðlum um málið.</div><div><br></div><div>Tað eru annars góðir tveir mánaðir síðani, at kriminalpolitiið metti seg vera liðugt at kanna málið. Málið móti manninum, sum er skuldsettur fyri at hava dripið og burturbeint Dánjal Petur Hansen, kemur fyri rættin 3. september. Dánjal Petur Hansen var seinast sæddur 5. november í fjør.</div><div><br></div>
