- Tíðindi, mentan og ítróttur
Amerikansk sendikvinna á vitjan
<div>Laurie Fulton kemur eftir ætlan til Vágar klokkan 13.30 við einum hernaðarflogfari hjá amerikanska flogvápninum. Jóhan Dahl, landsstýrismaður í vinnumálum, tekur ímóti amerikansku sendikvinnuni.</div><div><br></div><div>Fyrrapartin týsdagin verður Laurie Fulton við á ráðstevnuni Partnership for Green Growth Event, har Føroya Tele er vertur.</div><div>Seinnapartin verður hon við á fundi, ið MFS skipar fyri um lesnað í USA. </div><div>Eftir hetta fer sendikvinnan at hitta Guðrun & Gurðun í handli teirra.</div><div><br></div><div>Mikudagin verður farið til Suðuroyar. Á Tvøroyri skal amerikanska sendikvinnan vitja á uppsjóvarvirkinum Varðin Pelagic og á sjúkrahúsinum. Síðani verður farið til Vágs, har hon fer at vitja savnið hjá Ruth Smith og Faroe Marine Technic.</div><div><br></div><div>Siglt verður úr Sumba til Fámjin, har kirkjan og fyrsta føroyska flaggið verður vitjað, áðrenn leiðin gongur norður aftur til Havnar.</div><div>Vitjanin hjá Laurie S. Fulton er onnur vitjanin í Føroyum, síðani hon varð svorin í eið sum amerikansk sendikvinna í Danmark.</div>
