Moody lækkar virðið á týska búskapinum

Moody's broytti í gjár útlitini hjá týska búskapinum frá at vera støðug til at vera negativ orsaka av fíggjarkreppuni í evrulondunum

Tað hóvar ikki týsku stjórnini, at Moody´s hevur lækkað virðið á týska búskapinum. Á myndini síggja vit Angelu Merkel saman við fíggjarmálaráðharranum, Wolfgang Schauble.

Ingi Samuelsen

Grækaris Djurhuus Magnussen

24.07.2012 - 11:32

<div>Sostatt hevur sterkasti búskapurin í Evropa ikki longur ovastu meting, nevniliga AAA. Eisini metingarnar fyri Holland og Luksemburg eru lækkaðar.</div><div><br></div><div>Í Týsklandi svaraði fíggjarmálaráðið beinanvegin aftur við at mæla ímóti og staðfesti, at týski búskapurin framvegis er støðufasta akkerið í evru-sonuni.</div><div><br></div><div><b>Grikkaland liggur sum ein lykkja</b></div><div><br></div><div>Moody's grundgevur sína meting við, at tað fær álvarsligar avleiðingar fyri sjálvt tann sterkasta búskapin í Evropa, um Grikkaland má fara úr Evru-samstarvinum. Eisini verður sagt, at alt bendir á, at fleiri bjargingarpakkar skulu til fyri at hjálpa londum sum Spania og Italia úr ringu gongdini.</div><div><br></div><div>Og tað eru teir sterku búskapirnir, ið skulu bera byrðarnar, um fleiri bjargingarpakkar skulu til - tað er ikki nóg mikið at koyra Grikkaland burtur úr samstarvinum.</div>