- Tíðindi, mentan og ítróttur
Slættaberg seldur til JFK Trol
<div>Nú skal Slættaberg fiska uppá makrelloyvi hjá Sundabergi, sum ikki longur er til í flotanum. Reiðarin, Hanus Hansen, hevur selt Slættaberg frá partafelagnum Næraberg til eitt annað partafelag í sama samtaki, JFK Trol. Tískil er Slættaberg á makrelveiðu nú, knappar tvær vikur eftir at hann misti veiðiloyvið í fýra vikur.</div><div><br></div><div><div>Landsstýrismaðurin í fiskivinnumálum Jacob Vestergaard, ásannar, at hetta kann tykast løgið, men vísir á, at hetta er í tráð við lógina um vinnuligan fiskiskap, sum loyvir at flyta skip yvir á onnur loyvi.</div><div><br></div><div>- Tí er tað eisini ein spurningur, um ikki hesin parturin av lógini eigur at endurskoðast, sigur Jacob Vestergaard.</div><div><br></div><div>Slættaberg misti fyri tveimum síðani fiskiloyvið í fýra vikur fyri at hava meira enn 25 prosent av sild sum hjáveiðu, tá hann fiskaði makrel. Reiðaríið heldur revsingina vera alt ov harða og hevur tí avgjørt at royna avgerðina hjá Fiskiveiðieftirlitinum í rættinum.</div><div><br></div><div>Ákæruvaldið krevur, at rætturin staðfestir avgerðina hjá Fiskiveiðueftirlitinum. Sakførarin hjá Slættaberg, krevur, at skipið ikki missir fiskiloyvið yvirhøvur ella, í øðrum lagi, at skipið missir fiskiloyvið í styttri tíð enn fýra vikur.</div><div><br></div><div>Føroya rættur hevur viðgjørt málið og í seinasta lagi á middegi týsdagin 31.juli kemur avgerðin hjá rættinum.</div><div><br></div><div>Men Slættaberg nýttist also ikki at bíða til týsdagin.</div><div><br></div><div>Stjórin í JfK-samtakinum, Hanus Hansen sigur við Norðlýsið, at JFK-Trol hevur keypt Slættaberg frá partafelagnum Nærabergi og tí fer Slættaberg nú at fiska upp á kvotuna hjá Sundabergi.</div><div><br></div><div>Slættaberg fór aftur til makerlfiskiskap fríggjakvøldið.</div></div><div><br></div>
