- Tíðindi, mentan og ítróttur
Fámará endað í løgmálaráðnum
<div>Festið í Fámará er endað í danska løgmálaráðnum.</div><div><br></div><div>Thorkild Høyer, sakførari hjá Johan Dalsgaard í Fámara, hevur kært uppboðssølurnar, sum Jens Andrias Vinther, advokatur í Havn, hevði fyri Búnaðarstovuna. Thorkild Høyer sigur í kæruni til Løgmálaráðið, at uppboðini eru ikki framd eftir kunngerðini frá 1936 um uppboðssølur í Føroyum. </div><div><br></div><div>Thorkild Høyer sigur eisini, at uppboðstreytirnar vórðu ikki kunngjørdar, áðrenn uppboðið byrjaði. Millum annað var ikki greitt, at bara tilboð í reiðum pengum kundu góðkennast. Harafturat fekk tann, sum hevði hægsta boð, møguleika at hækka sítt boð, tí hann fekk at vita, hvat hægsta boð var. Tað fekk Johan Dalsgaard ikki. </div><div><br></div><div><b>Árni Brattaberg hægsta boð</b></div><div><br></div><div>Árni Brattaberg í Vági hevur hægsta boð, og Búnaðarstovan mælir til at selja honum festið. </div><div><br></div><div>Heldur ikki var greitt, sigur Thorkild Høyer í kæruni til Løgmálaráðið, um bara pengarnir, og ikki førleikarnir hjá teimum, sum bjóðaðu, vóru avgerandi.</div><div><br></div><div>Fiskimálaráðið hevur eisini eina kæru frá Johan Dalsgaard um festið í Fámará. Kæran er til hoyringar hjá pørtunum í løtuni. Hoyringarfreistin er úti í morgin, 7.august. </div><div><br></div><div> </div><div><br></div>
