- Tíðindi, mentan og ítróttur
Kári á Rógvi í landsrættin við løgtinginum
<div>Løgtingið skal í Landsrættin mikudagin í næstu viku. </div><div><br></div><div>Tá er júst eitt ár farið, síðani Føroya rættur frídømdi Løgtingið í einum sakarmáli, sum Kári á Rógvi, løgtingsmaður, byrjaði móti arbeiðsgevara sínum, løgtinginum. Kári á Rógvi stevndi løgtinginum eftir løn fyri tær fýra vikurnar, hann var í pápafarloyvi. </div><div><br></div><div>Rætturin frídømdi løgtingið. Kári á Rógvi fekk einki lyfti um løn í farloyvistíðini, sigur rætturin. Og hann eigur heldur ikki at fáa løn fyri farloyvistíðina. </div><div><br></div><div><b>Vísir til lógina um barsil</b></div><div><br></div><div>Rætturin vísir til lógina um barsilsskipan. Sambært henni hava kvinnur serrættindi. Tær eiga einsamallar fyrstu 14 vikurnar eftir at barnið er føtt. </div><div><br></div><div>Kári á Rógvi var í farloyvi úr løgtinginum, áðrenn fyrstu 14 vikurnar vóru farnar.</div><div><br></div><div>Harafturat brúkar løgtingið reglurnar, sum eru galdandi á almenna arbeiðsmarknaðinum. Tær siga, at menn hava rætt til barsilsfarloyvi í ein mánað, men tað er uttan løn. Og tí segði Føroya rættur, at Kári á Rógvi átti ikki at fáa løn fyri tær fýra vikurnar, hann var í pápafarloyvi.</div><div><br></div><div>Kári á Rógvi vil vita, um Landsrætturin heldur tað sama. Eystari Landsrættur, sum kemur til Føroya mánadagin, fer at viðgera málið um løgtingið sum arbeiðsgevara um eina góða viku. </div><div><br></div>
