- Tíðindi, mentan og ítróttur
Vinnunevndin viðger fiskidagarnar í dag
<div>Í dag fer Vinnunevndin hjá løgtinginum undir at viðgera fiskidagarnar næsta fiskiár. </div><div><br></div><div>Hóast fiskifrøðingar mæla til skerjingar, halda vinnan og landsstýrið, at stovnarnir tola sama dagatal sum í verandi fiskiári.</div><div><br></div><div>Vinnunevndin hevur biðið manningarfeløg og reiðarafeløg koma á nevndarfundin í dag. Nevndin vil eisini vita, hvat Vinnuhúsið og Búskaparráðið halda um uppskotið hjá landsstýrismanninum í fiskivinnumálum. </div><div><br></div><div>Jacob Vestergaard, landsstýrismaður, er biðin um at koma á fund við Vinnunevndina klokkan eitt í dag. Vinnunevndin og løgtingið hava ikki so góðar stundir at viðgera fiskidagarnar, tí teir skulu vera avgreiddir síðst í næstu viku. </div><div><br></div><div><b>Tingfundur hósdagin</b></div><div><br></div><div>Næsti tingfundur verður hósdagin. Tá fer tingið at viðgera hini trý tingmálini, sum eru komin higartil í nýggju tingsetuni. </div><div><br></div><div>Andstøðan eigur øll málini. Javnaðarflokkurin hevur uppskot um at seta nevnd at koma við uppskotum um tiltøk, sum kunnu stegða afturgongdini í fólkatalinum, og flokkurin hevur uppskot um barnaváttan.</div><div><br></div><div>Tjóðveldi og Framsókn hava uppskot um óbrúktar fiskidagar, sum landsstýrið eigur at kunna lata ella selja teimum, sum hava ov fáar dagar. Landsstýrið eigur eisini at kunna lata óbrúktu dagarnar liggja fyri at stilla veiðitrýstið, siga Tjóðveldi og Framsókn. </div><div><br></div>
