- Tíðindi, mentan og ítróttur
Breivik-málið: Løgreglan fær av at vita
<p>Funnist verður hvassliga at norsku løgregluni í eini frágreiðing, sum ein serlig nevnd hevur skrivað um hendingina, tá Anders Behring Breivik sprongdi eina bumbu í stjórnarbygninginum í Oslo og síðani drap frá hond á Utøya 22. juli í fjør.</p><div>Frágreiðingin verður ikki kunngjørd fyrr enn mánadagin, men sambært blaðnum Verdens Gang, sum hevur sæð frágreiðingina, fær løgreglan av at vita í kanningini.</div><div><br></div><div>M.a. verður víst á, at tað gingu meiri enn tríggir timar frá tí, at bumban brast í Oslo, til Breivik varð handtikin á Utøya. Tá hevði hann beint fyri 77 fólkum.</div><div><br></div><div>Løgreglan sýndi vánaliga leiðslu, og samkiftið riggaði als ikki, stendur í frágreiðingini, sambært Verdens Gang.</div><div><br></div><div>Í niðurstøðuni sigur kanningarnevndin, at fregnartænastan læt sum einki, hóast tollvaldið hevði frænir av, at Breivik keypti tilfar, sum kundi nýtast at gera eina bumbu. Tá bumban brast í Oslo, vórðu eingi tiltøk sett í verk, sum kundu steðgað ferðsluni og forðað Breivik at rýma út á Utøya.</div><div><br></div><div>22. juli-nevndin er ein óheft nevnd, sum varð sett at kanna allar umstøðurnar í sambandi við yvirgangsatsóknina í fjør. </div>
