- Tíðindi, mentan og ítróttur
Gjøld og skyldur koma í fiskivinnulógina
<div>Tilfeingisgjøld og brúksskylda verða ivaleyst vanlig orð í føroysku fiskivinnulóggávuni um nøkur ár.</div><div><br></div><div>Í øllum førum skal arbeiðsbólkurin, sum landsstýrismaðurin í fiskivinnumálum setti at endurskoða lógina um vinnuligan fiskiskap, gera uppskot um, hvussu gjøld kunnu skipast í lóggávuni og um brúksskyldu til fiskirættindi.</div><div><br></div><div>Vinnunevndin hjá løgtinginum hevur kunngjørt arbeiðssetningin hjá bólkinum. </div><div><br></div><div>Lógin um vinnuligan fiskiskap skal gerast greið og neyv, væl skipað og samanhangandi, og hon skal stuðla undir einfalda umsiting, stendur í arbeiðssetninginum. </div><div> </div><div>Arbeiðsbólkurin skal ganga alla loyvisskipanina ígjøgnum og gera uppskot um neyðugar broytingar við tí endamáli at tryggja, at greiður ræðisrættur er knýttur at veiðiloyvum, fiskidøgum og kvotum. Bólkurin skal eisini meta, um verandi bólkar í flotanum eru teir røttu.</div><div><br></div><div><b>Umsitingarætlanin lógarfestast</b></div><div><br></div><div>Umsitingarætlanin fyri tosk, hýsu og upsa, sum Havstovan og landsstýrið gjørdu í fjør heyst, skal festast í lógina um vinnuligan fiskiskap. Endamálið við umsitingarætlanini er at skipa fiskiskapin soleiðis, sum fiskifrøðin sigur, í 2015. </div><div><br></div><div>Útlendskur eigarapartur í fiskiflotanum skal eisini endavendast. Fult gjøgnumskygni skal vera í eigaraviðurskiftunum. </div><div><br></div><div>Arbeiðsbólkurin skal meta, um fígging frá útlendskum partaeigara skal teljast við sum eigara- og avgerðarpartur, og ikki bara sum parta- og ábyrgdarpeningur, sum í galdandi lóg. </div><div> </div><div><br></div>
