Løgmaður á oljutoppfund í Stavanger

Politikarar og oddafólk í altjóða oljufeløgum hittast í Stavanger seinni í mánaðinum

Henda myndin varð tikin, tá norski forsætisráðharrin, Jens Stoltenberg, var á vitjan fyrr í ár. Hinir báðir á myndini eru løgmaður og Rúni M. Hansen, stjóri í Statoil í Føroyum, sum fara á oljutoppfund í Stavanger seinni í mánaðinu

Johnsigurd Johannesen

10.08.2012 - 13:04

<p>Kaj Leo Holm Johannesen, løgmaður, verður við, tá politikarar og oddafólk í oljufeløgum úr 20 ymiskum londum koma saman til toppfund í Stavanger seinni í hesum mánaðinum, skrivar Oljuportalurin.</p><div><br></div><div>Fundurin, sum hevur fingið heitið ONS Summit, fer at viðgera orkuspurningar í breiðum høpi.</div><div><br></div><div>Millum teirra, sum vera við á fundinum, eru stjórin í Altjóða Orkustovninum, Maria van der Hoeven, svenski uttanríkisráðharrin, Carl Bildt, norski uttanríkisráðharrin, Jonas Gahr Støre, og stjórin í Statoil, Helge Lund.</div><div><br></div><div>Á fundinum verða tríggjar frágreiðingar lagdar fram, m.a. um Arktis.</div><div><div><br></div><div>Umframt løgmann verður stjórin í Statoil í Føroyum, Rúni M. Hansen, við á fundinum í Stavanger.</div><div><br></div></div>