- Tíðindi, mentan og ítróttur
Samgongan vil hava óbroyttar fiskidagar
<div>Semja tykist vera í samgonguni um óskert fiskidagatal. </div><div><br></div><div>Limirnir hjá samgonguni í Vinnunevndini taka undir við uppskotinum hjá landsstýrismanninum um óbroytt dagatal næsta fiskiár. </div><div><br></div><div>Alfred Olsen, Bjarni Djurholm, Hanus Samró og Jógvan Skorheim siga, at tey flestu, sum vóru á fundi við Vinnunevndina, taka undir við, at fiskidagatalið verður tað sama í 2012/2013 sum í ár. </div><div><br></div><div>At andstøðuflokkarnir ikki arbeiða saman um fiskivinnupolitikkin sæst eisini aftur í álitinum hjá Vinnunevndini.</div><div><br></div><div>Páll á Reynatúgvu í Tjóðveldi og Poul Michelsen í Framsókn mæla til at skerja fiskidagarnar tíggju prosent, tó ikki hjá útróðrarbátunum í bólki fimm. </div><div> </div><div>Aksel V. Johannesen í Javnaðarflokkinum vísir á eitt nýtt uppskot hjá flokkinum um, at fiskifør kunnu býta onnur rættindi í føroyskum sjógvi ella aðrastaðni um við fiskidagar í eina tíð. </div><div><br></div><div>Fiskidagarnir koma til aðru viðgerð í tinginum týsdagin.</div>
