- Tíðindi, mentan og ítróttur
Grønland vil eisini vera makreltjóð
<div>Nú strandarlondini fyrireika seg til enn eitt samráðingarumfar um makrelin er ein nýggjur leikari á veg inn á vøllin. </div><div><div><br></div><div>Grønland umhugsar at biðja um at gerast strandarland fyri at fáa lut í makrelbýtinum. Tað sigur Ane Hansen, landsstýriskvinna í fiskivinnumálum, við íslendska fiskivinnublaðið Fiskifréttir. </div><div><br></div><div>Grønlendska landsstýrið hevur longu givið loyvi til royndarfiskiskap eftir makreli við Eysturgrønland.</div><div><br></div><div>Tveir stórir kinesiskir trolarar hava fingið loyvi til at fiska 20.000 tons av makreli. Annar, Kai Yu, hevur skjótt verið við Eysturgrønland í tvær vikur. Hin, Kai Li, er á veg hagar.</div><div><br></div><div>Thor hevur annars søkt um loyvi til bæði hesi skipini at vera móttøkuskip í føroyskum sjógvi í summar. Kai Yu hevur forhondstilsøgn. Kai Li er enn til viðgerðar í Fiskimálaráðnum. Umsóknin um hann kom ikki fyrr enn í hesi vikuni.</div><div><br></div><div>Grønlendingar royndu fyrst at fáa skip úr Føroyum, Íslandi og Danmark at fiska makrel fyri seg. Men myndugleikarnir í teimum trimum londunum søgdu nei.</div><div><br></div><div>Royal Greenland hevur gjørt sáttmála um makrelfiskiskapin hjá Kai Yu og Kai Li. Skipini virka og frysta makrelin umborð.</div><div><br></div><div>Ísland slapp fyri fáum árum síðani ikki at vera við sum strandarland, tá Føroyar, ES og Norra samráddust um makrel. Men íslendingar fóru av álvara at fiska makrel, góvu sær sjálvum stóra kvotu, og nú er Ísland viðurkent sum strandarland.</div></div><div><br></div>
