- Tíðindi, mentan og ítróttur
Munur á Týsklandi og kioskini í Føroyum
<p>Nú ætlanin er at broyta arbeiðsumhvørvislógina, má lógin taka støði í føroyskum viðurskiftum heldur enn ES-fyriskipanum.</p><div>Tað heldur Føroya Arbeiðsgevarafelag, sum hevur fingið uppskotið til hoyringar. </div><div><br></div><div>Arbeiðsgevarafelagið vísir á, at broytingarnar í lógini, sum umfata ung undir 18 ár, taka støði í líknandi reglum í grannalondunum, ið aftur lúka ES-fyriskipanir. Tað merkir, at arbeiðsumhvørvistrupulleikar á einari bensinstøð nærindis einum stórum motorvegi í Týsklandi fara at avgera reglurnar fyri arbeiðsumhvørvi í einari kaikiosk í Føroyum. </div><div><br></div><div><b>Rán og álop</b></div><div><br></div><div>- Flest øll á evropeiska meginlandinum skilja ivaleyst, at ung undir 18 ár ikki skulu arbeiða einsamøll á einari bensinstøð, tí vandi kann vera fyri ráni, álopum o.s.fr. Tað er verri hjá føroyingum at skilja, hví somu reglur skulu verða settar í verk fyri kaikioskina í Føroyum, siga arbeiðsgevararnir. </div><div><br></div><div>Felagið heldur, at støði eigur at verða tikin í veruligum váða í føroyska arbeiðsumhvørvinum, og tað eigur í viðmerkingunum til lógina ítøkiliga at verða greitt frá, hví tað er neyðugt at seta hesar broytingar í verk.</div><div><br></div><div>- Bara at vísa til, at somu reglur eru galdandi aðra staðni í Evropa, er ikki nøktandi, sigur Arbeiðsgevarafelagið.</div><div><br></div><div><br></div>
