Vil hava Kaj Leo frá sum floksformann

Tað er óhoyrt, at ein formaður í Sambandsflokkinum vendir ríkisfelagsskapinum bakið, sigur fólkatingsmaðurin hjá Sambandsflokkinum

Edmund Joensen sigur, at tað er óhoyrt, at ein sambandsformaður vendir ríkisfelagsskapinum bakið.

Johnsigurd Johannesen

13.08.2012 - 12:34

<p>Edmund Joensen, fólkatingsmaður hjá Sambandsflokkinum, vil hava Kaj Leo Holm Johannesen, løgmann, frá sum formann í Sambandsflokkinum.</p><div><br></div><div>Edmund Joensen sigur í eini grein í dag, at tað fær víðfevndar avleiðingar fyri Føroyar og føroyingar, um formaður Sambandsfloksins fær møguleika at gera álvara av sínum dreymi um at avtaka ríkisfelagsskapin. </div><div><br></div><div>- Tað er óhoyrt, at ein formaður í Sambandsflokkinum vendir ríkisfelagsskapinum bakið  og - eins og fullveldispolitikarar - droymir um eitt sjálvstøðugt ríki. Sambandsflokkurin má sjálvsagt hava eitt sambandsfólk til formann, sigur Edmund Joensen.</div><div><br></div><div>Hann skrivar, at tað, sum løgmaður segði í røðu síni á ólavsøku um ein ríkjafelagsskap, elvir til spjaðing í Sambandsflokkinum og millum sambandsfólk. Tað, sum løgmaður segði , ikki bert undirgrevur alt tað, ið Sambandsflokkurin stendur fyri, men tað máar eisini butur av støðu Føroya í Ríkinum og rættindi føroyinga sum ríkisborgarar, sigur fólkatingsmaðurin hjá Sambandsflokkinum. </div><div><br></div><div><br></div><div><b>Meiri verður at frætta í útvarpstíðindunum.</b></div><div><br></div><div><br></div><div><br></div><div><br></div><div><br></div>