- Tíðindi, mentan og ítróttur
Atkvøða um fiskidagar í dag
<div>Løgtingið fer í dag at atkvøða um fiskidagarnar næsta fiskiár. </div><div><br></div><div>Samgongan mælir til óbroytt fiskidagatal. Tjóðveldi og Framsókn mæla til at taka tíggju prosent av døgunum frá teimum, sum reka vinnuligan fiskiskap, men ikki frá bátunum í bólki fimm.</div><div><br></div><div>Javnaðarflokkurin heldur tað ikki vera ráðliga at taka fleiri fiskidagar nú. Men flokkurin skjýtur upp, at fiskidagar kunnu býtast um við onnur fiskirættindi í føroyskum sjógvi ella aðra staðni. </div><div><br></div><div>Eitt uppskot um júst hetta kemur í løgtingið.</div><div><br></div><div><b>Forða fyri spekulasjón </b></div><div><br></div><div>Á fundinum í dag, sum byrjar kl.11, fer tingið eisini at viðgera eitt uppskot, sum skal forða fyri spekulasjón í veiðuloyvum og fiskirættindum.</div><div><br></div><div>Allir tríggir flokkarnir í andstøðuni løgdu sama uppskot fram í vár, men tá fall uppskotið. Nú hevur Tjóðveldi einsamalt lagt uppskotið framaftur. </div><div><br></div><div>Støðan er broytt síðani í vár. Nú verða makrelkvotur handlaðar. Tíggju línuskip eru seld við øllum loyvum, so trolarar og ídnaðarskip kundu fiska teirra makrel. Tá makrelurin er fiskaður, keypa gomlu eigararnir línuskipini aftur. </div>
