- Tíðindi, mentan og ítróttur
Styðjar ikki longur Kaj Leo sum formann
<p>- Eg havi tikið ta støðu, at eg ikki longur stuðli Kaj Leo Johannesen sum formann fyri Sambandsflokkin.</p><div>Tað skrivar Zacharias Bech, formaður í Suðuroyar Sambandsfelagi, í lesarabrævi í Dimmalætting og Sosialinum i dag. Hann hevur verið formaður í felagnum í 20 ár. </div><div><br></div><div>Zacharias Bech skrivar, at hann hevur einki ímóti broytingum í Sambandsflokkinum, um tað er til gagns fyri føroyska samfelagið. </div><div><br></div><div>- Men tá ið formaðurin av sínum eintingum og uttan loyvi frá baklandinum fer at pilka við sjálvt grundstøðið, sum flokkurin byggir á, tá eri eg ikki partur av hansara stuðli meira, skrivar Zacharias Bech.</div><div><br></div><div><b>Eigur at umhugsa formanssessin</b></div><div><br></div><div>- Eg havi tí valt at fara so langt, at eg til eitt komandi løgtingsval, nær tað so verður, ikki gevi Sambandsflokkinum mínum atkvøðu, um formaðurin tá eitur Kaj Leo Holm Johannesen, skrivar formaðurin í Suðuroyar Sambandfelagi.</div><div><br></div><div>Zacharias Bech sigur, at orðini hjá Kaj Leo Holm Johannesen í løgmansrøðuni um ríkisrættarligu støðuna hava skapað sovorðið órógv í Sambandsflokkinum, at hann eigur at umhugsa sína støðu sum formaður.</div><div><br></div><div>- Hann hevur ið hvussu er ongan rætt til sum formaður at fara út við privatum dreymum, sum flokkurin ikki stendur aftanfyri, sigur Zacharias Bech. </div>
