- Tíðindi, mentan og ítróttur
Vilja hava fund í Sambandsflokkinum
<p>Formenninir í valfeløgunum hjá Sambandsflokkinum í Eysturoynni, Norðstreymi og í Vágum vilja hava fund í Sambandsflokkinum eftir tað, sum Kaj Leo Holm Johannesen, løgmaður og formaður í Sambandsflokkinum, segði um ríkisrætttarligu støðuna í røðu síni á ólavsøku.</p><div>Tað skrivar Sosialurin.</div><div><br></div><div>Johan Petersen, formaður í Samhaldi, Asbjørn Djurhuus, formaður í Norðostreymoyar Sambandsfelag og Hugin Skaalum, formaður í Vága Sambandsfelag, siga, at neyðugt er at tosa um støðuna, tí dreymur løgmans um eina ríkjafelagsskap samsvarar ikki við stevnuskrá floksins.</div><div><br></div><div>- Sambandsflokkurin má finna útav, hvar hann stendur, sigur Johan Petersen við Sosialin.</div><div><br></div><div>Asbjørn Djurhuus spyr, um tað ber til at hava ein ríkjafelagsskap við trimum sjálvstøðugum londum. Og at tosa um Føroyar sum sjálvstøðugt land er tað øvugta av tí, sum Sambandsflokkurin stendur sigur, sigur hann við blaðið.</div><div><br></div><div>Hugin Skaalum sigur, at tey eru mong, sum eru ósamd við løgmann í hesum máli. </div><div><br></div><div><b>Styðjar ikki Kaj Leo</b></div><div><br></div><div>Zacharias Bech, formaður í Suðuroyar Sambandsfelag, ger greitt í blaðgrein, at hann styðjar ikki longur Kaj Leo Holm Johannesen sum formann í Sambandsflokkinum, og verður Kaj Leo framvegis formaður, tá val verður aftur, fer Zacharias Bech ikki at velja Sambandsflokkin. </div><div><br></div><div>John William Joensen, formaður í Norðoya Sambandsfelag, hevur hinvegin sagt, at hann tekur undir við sjónarmiðunum hjá floksformanninum í spurninginum um ríkisrættarligu støðuna. </div>
