Sleppa undan egingjaldi fyri hvørt barnið

Broytingar í gjaldinum til Heilsutrygd eru á veg, og meginreglan er, at gjaldið verður lagað eftir inntøkuni, sigur Karsten Hansen, landsstýrismaður

Karsten Hansen, landsstýrismaður í heilsumálum, fyrireikar broytingar í gjaldinum til Heilsutrygd.

Høgni Djurhuus

Johnsigurd Johannesen

16.08.2012 - 12:56

<div>Fólk, sum hava fleiri enn eitt barn, sleppa undan at rinda fult egingjald fyri hvørt barnið, sum skal hava heilivág.</div><div><br></div><div>Tað er ein av fleiri broytingum, sum eru á veg í Heilsutrygd. </div><div><br></div><div>Hvussu nógv egingjaldið lækkar er tó ikki avgjørt enn, sigur Karsten Hansen, landsstýrismaður í heilsumálum. Men landsstýrið heldur tað ikki vera rímiligt, at tá til dømis trý systkin hava brúk fyri heilivági javnan, skal fult egingjald fyri heilivágin latast fyri hvørt barnið. </div><div><br></div><div>Ein møguleiki er, at bara eitt egingjald verður kravt, hóast børnini eru fleiri. Men hetta er tó ikki avgjørt enn, sigur landsstýrismaðurin.</div><div><br></div><div><b>Lagað eftir inntøku</b></div><div><br></div><div>Karsten Hansen sigur, at enn er ikki avgjørt, hvussu inngjaldið til Heilustrygd skal verða eftir nýggjár. Men tað verður  soleiðis, at gjaldið verður lagað eftir inntøkuni hjá fólki, so tey, sum tjena mest, eisini gjalda mest.</div><div><br></div><div>Einaferð ljóðaði, at Heilsutrygd skuldi á fíggjarlógina, men tað verður ikki gjørt.</div><div><br></div><div>Lógarbroytingin kemur í løgtingið í næsta mánaði. Men hvussu hon verður orðað, er ikki avgjørt.</div><div><br></div><div>- Vit hava nøkur modell á borðinum, men avgerðin er ikki tikin enn, sigur Karsten Hansen.</div><div>  </div><div><br></div>