- Tíðindi, mentan og ítróttur
Tollfrí søla í Grønlandi letur uppaftur
<p>Tollfría sølan í grønlendskum floghavnum letur uppaftur 1. november.</p><div><br></div><div>Hesum boðaði Maliina Abelsen, landsstýriskvinna í fíggjarmálum, frá í gjár, tá uppskotið til fíggjarlóg fyri næsta ár varð lagt fram. </div><div><br></div><div>Tollfría sølan helt uppat 1. januar 2010, tí landsstýrið hevði vónir um at fáa størri inntøkur frá avgjøldum, tá rúsdrekka einans kundi keypast handlinum. Men landsstýriskvinnan í fíggjarmálum sigur, at tað hevur ikki eydnast at skjalprógva, at avgjøldini eru vaksin, sigur grønlendska kringvarpið. </div><div><br></div><div>Tí verður tollfría sølan í floghavnunum latin uppaftur 1. november. Ferðafólk, sum koma til Grønlands, kunnu keypa tríggjar fløskur av reyðvíni, ein litur av brennivíni og eitt kartong av sigarettum tollfrítt. </div>
