- Tíðindi, mentan og ítróttur
BankNordik væntar 150-200 mió. kr. í vinningi í ár
<div>BankNordik hevði 12 milliónir krónur í í vinningi fyri skatt fyrra hálvár.</div><div><br></div><div>Raksturin hjá BankNordik gav 131 mió. kr. í vinningi fyri niðurskrivingar fyrra hálvár 2012. </div><div><br></div><div>Eftir niðurskrivingar ella tap er úrslitið 66 milliónir í ár. Síðani koma aðrar útreiðslur, sum sambært bankanum ikki eru afturvendandi, millum annað av Amagerbankanum. Fyri skatt er úrslitið tí 12 milliónir. </div><div><br></div><div>BankNordik heldur tó fast um, at vinningurin í ár verður 150 til 200 mió. kr. Hóast stóru rentulækkingina gjørdust rakstrarinntøkurnar í øðrum ársfjórðingi 221 mió. kr.</div><div><br></div><div>Niðurskrivingar á útlánum vóru 29 mió. kr. í øðrum ársfjórðingi og 65 milliónir í hálvárinum. </div><div><br></div><div><b>Framvegis trýst á rentuinntøkurnar</b></div><div><br></div><div>Í triðja ársfjórðingi, sum nú er byrjaður, ber til at staðfesta eitt framhaldandi trýst á rentuinntøkurnar grundað á lágu rentuna. Hin vegin hála framdar og lýstar rentubroytingar umframt spardar rentuútreiðslur í sambandi við afturkeypt ábyrgdarlán, sigur BankNordik. Samstundis tykist niðurgongdin í útlánum fyrra hálvár at vera steðgað, so bankin nú væntar, at útlán bankans vera á sama stigi við ársenda sum nú. </div><div><br></div><div>Viðvíkjandi niðurskrivingum sigur BankNordik, at Fíggjareftirlitið hevur ásett nýggjar reglur, sum siga, at fastogn skal virðismetast til tað virði, sum tær kunnu seljast fyri innan hálvt ár eftir hálvárslok. </div><div><br></div><div>BankNordik fíggjar bara í avmarkaðan mun størri fastognir, men bankin hevur lagað virðismetingina av tveimum fastognum eftir nýggju reglunum. Hetta krevur eyka niðurskrivingar fyri 25 mió. kr., 8 mió. kr. eru knýttar at bankans egnu fastognaríløgum, og tær verða bókaðar sum tap undir virðisjavna. </div><div><br></div>
