- Tíðindi, mentan og ítróttur
Byggja vardar íbúðir í Runavík
<p class="MsoNormal">Landsstýriskvinnan
í almannamálum, Annika Olsen, hevur tikið avgerð um at byggja millum 10 og 16
vardar íbúðir í Runavík til fólk við menningartarni. Ætlanin er, at fyrstu
búfólkini kunnu flyta inn á vári 2014, tá eisini íbúðirnar í Klaksvík til fólk
við menningartarni verða lidnar. </p><p></p><p></p>
<p class="MsoNormal"><a name="_GoBack"></a> </p>
<p class="MsoNormal">Ein
bygginevnd við umboðum úr MBF, Javna, Almannaverkinum og Almannamálaráðnum læt
í juni mánað landsstýriskvinnuni byggiskrá, sum Annika Olsen hevur tikið undir
við. </p><p></p><p></p>
<p class="MsoNormal"> </p><p class="MsoNormal"><b>Ikki løtt avgerð</b></p><p class="MsoNormal"><br></p><p class="MsoNormal">Annika Olsen sigur, at avgerðin hevur ikki verið løtt, tí allar kommunur í eystara parti í Eysturoynni hava víst stóran áhuga fyri ætlanini. Út frá
eini heildarmeting hevur landsstýriskvinnan tikið avgerð um at taka av tilboðnum frá Runavíkar
kommunu og byggja vardu bústaðirnir í Runavík.</p>
<p class="MsoNormal"> </p>
<p class="MsoNormal">Saman við
borgarstjóranum Magnusi Rasmussen og Kristian Gaardbo, formanni í sosialu
nevnd, vitjaði Annika Olsen í dag økið, har íbúðirnar skulu byggjast. </p><p></p><p></p>
<p class="MsoNormal"> </p>
<p class="MsoNormal">Talan er um
smærri sjálvstøðugar íbúðareindir í einum vardum umhvørvi. Hvør íbúðareindin
hevur dur, vesi við bað, køk/stovu, og sovikamar við atgongd til felagshølir.
Vardu íbúðirnar verða eftir ætlan lidnar á vári 2014.</p><p></p><p></p>
<p class="MsoNormal"> </p>
<p class="MsoNormal"> </p>
<p class="MsoNormal"> </p>
<p class="MsoNormal"> </p>
<p class="MsoNormal"> </p>
