- Tíðindi, mentan og ítróttur
Fáa hjálp frá Heilsutrygd alt fyri eitt
<div>Fólk, sum flyta til Føroya úr øðrum londum enn Danmark og Grønlandi, fáa hjálp frá Heilsutrygd alt fyri eitt, bara tey eru skrásett í Landsfólkayvirlitinum.</div><div><br></div><div>Hetta er ein av fleiri broytingum, sum skulu gerast í reglunum, Heilsutrygd arbeiðir eftir. </div><div><br></div><div>Heilsumálaráðið arbeiðir við átta broytingum fyri at gera umsitingina hjá Heilsutrygd lættari. Upprit um broytingarnar var á landsstýrisfundi mánadagin, har undirtøka var fyri ætlaðu broytingunum, sigur Karsten Hansen, landsstýrismaður.</div><div><br></div><div>Tá fólk flyta til Føroya úr øðrum londum enn teimum í ríkisfelagsskapinum, noyðast tey at bíða í seks vikur, áðrenn tey kunnu fáa veitingar frá heilsutrygd. Tey eru, sum tikið verður til, í "karantenu" í seks vikur. Hetta er galdandi fyri bæði føroyingar og útlendingar.</div><div><br></div><div><b>Fáa hjálp alt fyri eitt</b></div><div><br></div><div>Men hetta verður broytt. Nú fáa fólk frá Heilsutrygd alt fyri eitt, tey flyta til Føroya, eru tey skrásett at búgva í Føroyum.</div><div><br></div><div>Ein onnur broyting verður mannagongdin viðvíkjandi heilivági hjá sjúklingum, sum ikki longur eru á sjúkrahúsi í Danmark, men eitt nú búgva á sjúklingahotellinum. </div><div><br></div><div>Hesi fólk fáa nú heilivágin sendandi frá apotekunum í Føroyum. Hetta skal broytast, so tey kunnu fáa heilivágin frá apotekum í grannalagnum hjá sjúklingahotellinum.</div><div><br></div><div>Og heilsutrygdarkortið, sum langt síðani skuldi verið sent øllum, sum eru í Heilsutrygd, kemur ikki í bræði. Orðið heilsutrygdarkort verður rætt og slætt strikað, tí Heilsumálaráðið roynir at finna eina betri og bíligari loysn, sigur landsstýrismaðurin.</div><div><br></div><div>Og Samstarvsnevndin, sum sambært lógini um Heilsutrygd skal tulka sáttmálar hjá Heilsutrygd, skal takast av. Brúk er ikki fyri nevndini, heldur Heilsumálaráðið. </div>
