Lafayette kemur kanska aftur

Stóra móttøkuskipið er á veg til Grønlands at taka ímóti makreli

Lafayette er á veg til Grønlands, men tað er ikki óhugsandi, at skipið kemur aftur til Føroya seinni

17.08.2012 - 13:57

<div>Tað er ikki útilokað, at Lafayette kemur aftur til Føroya seinni at taka móti makreli her. Tað sigur Ludvík við Stein, umboðsmaður hjá Lafayette, nú skipið er á veg til Grønlands.</div><div><br></div><div>Eftir døgurða loysir Lafayette, sum liggur við oljukaina á Høgabóli, og fer út á Skálafjørðin at liggja, til øll loyvi eru komin, so Lafayette kann fara til Grønlands at taka móti makreli frá Erika, skipinum hjá Polar Seafood.</div><div><br></div><div>Hóast Lafayette ikki verður móttøkuskip í Føroyum í hesum umfarinum, hevur Fjord Fishing and Finance Company, sum hevur leigað Lafayette, havt Fiskiveiðueftirlitið umborð at góðkenna innvigingarskipan og annað, sum krevst fyri at virka sum móttøkuskip í Føroyum.</div><div><br></div><div>Ludvík við Stein væntar at Lafayette fer til Grønlands seinni í dag. </div><div><br></div><div>  </div>