- Tíðindi, mentan og ítróttur
FA: Rætt at avmarka útlendska valdið í alivinnuni
<p>Føroya Arbeiðarafelag tekur undir við uppskotinum hjá Johan Dahl, landsstýrismanni, um at avmarka ræðisrættin hjá útlendingum í føroysku alilógini.</p><div><br></div><div>Georg F. Hansen, formaður í Føroya Arbeiðarafelag, sigur í einum lesarabrævi á Portalinum, at ræðisrætturin má ikki gleppa okkum av hondum, tí annars kunnu arbeiðsplássini ógvuliga skjótt fara sama veg.</div><div><br></div><div>- Eigur ein stórfyritøka meirilutan í einum føroyskum alibrúki, er tað bert spurningur um tíð, áðrenn henda fyritøkan keypir allar vørur og tænastur frá egnum undirfyritøkum, og sjálv hagreiðingin av alifiskinum kann eisini flytast av landinum. Og so er einki eftir, sigur Georg F. Hansen.</div><div><br></div><div><b>Ikki alt á føroyskum hondum</b></div><div><br></div><div>Formaðurin í Føroya Arbeiðarafelag ávarar eisini ímóti, at alivinnan endar á fáum føroyskum hondum.</div><div><br></div><div>- Hetta er vandakós. Bæði tí, at tað er órættvíst, men ikki minst tí, at fallið verður ógvusligt, um alivinnan aftur verður fyri hóttafalli. Eitt bakkast kostar hópin av arbeiðsplássum og hevur syndarligar avleiðingar fyri tann einstaka og samfelagið, og milliardum av mistum krónum útflutningsvirði. Tí skal byrgjast fyri hesum ongantíð ov skjótt, sigur Georg F. Hansen.</div>
