- Tíðindi, mentan og ítróttur
Nøgdir hóast minni avlop
<p>Norðoya Sparikassi hevði 2,7 milliónir krónur í avlopi eftir skatt fyrra hálvár. Hetta eru 1,4 milliónir færri enn somu tíð í fjør, og orsøkin er gongdin í virðisjavnan.</p><div><br></div><div>Hóast avlopið minkaði, er Sparikassin nøgdur við úrslitið.</div><div><br></div><div>Í fjør varð mett, at Norðoya Sparikassi í ár fer at hava 15 milliónir krónur í avlopi í grundrakstrinum, og henda metingin stendur við. Grundraksturin fyrr hálvár í ár batnaði fýra milliónir samanborið við somu tíð í fjør.</div><div><br></div><div>Gongdin í inn- og útlánum hevur við sær, at innlánsundirskotið fyrr hálvár er lækkað 23,5 milliónir kr., úr 38,6 milliónum niður í góðar 15 milliónir kr. </div><div><br></div><div><b>Rinda lán aftur</b></div><div><br></div><div>Higartil í ár hevur Norðoya Sparikassi goldið 264 milliónir krónur aftur í láni, sum vórðu tikin við ríkisveðhaldi. Av hesum eru 200 milliónir umfíggjaðar yvir trý ár við lægri rentu. Restin av láninum, 86 milliónir kr., verður afturgoldið í hesum mánaðinum.</div><div><br></div><div>Hóast alt lánið er afturgoldið fyri tíðina, er gjaldførið framvegis gott, sigur Sparikassin. Solvensurin er seinasta orðið hækkaður eitt prosentstig, upp í 16,7 prosent. </div>
