- Tíðindi, mentan og ítróttur
Kunnar kinverjar um Skálafjarðartunnilin
<p>Kári P. Højgaard, landsstýrismaður, dyrgir nú eftir útlendskum íleggjarum til Skálafjarðartunnilin. Í gjár kunnaði hann kinesiska sendiharran í Danmark, Li Ruiyu, um verkætlanina. Kinesiski sendiharrin hevur verið á vitjan í Føroyum seinastu dagarnar.</p><div><br></div><div>Landsstýrismaðurin í innlendismálum sigur, at skal verkætlanin við Skálafjarðartunlinum gerast veruleiki á privatum grundarlagi, verður neyðugt við útlendskum íleggjarum. Hann ætlar, at arbeiðið at fyrireika tunnilin skal byrja longu í ár.</div><div><br></div><div>Tilsamans eru 12 milliónir krónur settar av til Skálafjarðartunnilin næsta ár og í 2013. Hetta eru pengar, sum skulu brúkat til forkanningar í sambandi við, at arbeiðið verður boðið út.</div><div><br></div><div>Privata felagið, sum upprunaliga tók stig til tunnilsætlanina, megnaði ikki at útvega fígging, og undirtøka fekst heldur ikki í samgonguni fyri at lata eitt alment felag gera tunnilin. </div><div><br></div><div><b>Meiri verður at frætta í útvarpstíðindunum.</b></div><div><br></div><div><br></div><div><br></div>
