Lars Rohde nýggjur tjóðbankastjóri

Nýggi tjóðbankastjórin ávarar um stuttfreistaðu lánini, sum kunnu renna búskapin um koll

Lars Rohde tekur við sum tjóðbankastjóri í februar.

21.08.2012 - 12:33

<div>Stjórin í danska pensjóns- og tryggingarfelagnum, ATP, Lars Rohde, verður nýggjur tjóðbankastjóri í Danmark, tá Niels Bernstein fer frá fyri aldur í februar næsta ár. </div><div>Tað skrivar Jyllandsposturin. Forsætisráðharrin tilnevnir tjóðbankastjóran. </div><br class="Apple-interchange-newline"><div>Lars Rohde er 58 ára gamal og útbúgvin búskaparfrøðingur. Hann hevur áður starvast í Arbejdernes Landsbank, Tjóðbankanum og ATP, har hann hevur verið stjóri. Lars Rohde hevur seinastu árini gjørt vart við seg í kjakinum um danska búskapin. </div><div><br></div><div>Hann hevur fleiri ferðir sagt, at hann óttast, at stuttfreistaðu lánini kunnu verða ein bumba undir danska búskapinum. Útsøgnirnar hjá Lars Rohde samsvara sostatt vit tað, sitandi tjóðbankastjórin, Niels Bernstein, eisini hevur sagt um hesi lánini.</div>