Nýggja bókasavnið við Løkin letur upp

Svend Højgaard er leiðari á nýggja skúla-og fólkabókasavninum í Runavík

Nýggja bókasavnið er í sama bygningi sum skúlin við Løkin og Løkshøll.

21.08.2012 - 11:30

<p>Seinnapartin í morgin letur bókasavnið við Løkin í Runavík upp alment, og samstundis verður bók um Jens Martin Knudsen og hansara ítróttarlív løgd fram. Á bókasavninum er framsýning av ymiskum lutum frá yrkisleiðini hjá Jens Martini í fótbólti, og sjálvandi er topphúgvan eisini við. </p><div><br></div><div>Bókasavnið í Runavík hevur fingið nýggj høli í sama bygningi sum skúlin við Løkin og Løkshøll. Síðani skúlin við Løkin varð bygdur í 2008, og bókasavnið á Glyvrum flutti í nýggj høli, hevur bókasavnið verið nýtt sum skúlabókasavn. </div><div><br></div><div>Bókasavið er eitt skúla- og fólkabókasavn, sum at
skúlin og skúlabørn nýta serliga fyrrapartar.
Býráðið hevur nú avgjørt at bjóða borgarunum eitt rættiligt fólkabókasavn við
fjølbroyttum virksemi, og hevur tí sett Svend Højgaard í starv sum leiðara. Í
fyrstu atløgu verða upplatingartíðirnar fyri almenninginum gerandisdagar, frá
13-18. Vøggustovur, barnagarðar og aðrir stovnar ella felagskapir kunnu tó
vitja bókasavnið fyrrapartar eftir avtalu. </div><div><br></div><div>Tiltakið í nýggja bókasavninum við Løkin verður í morgin klokkan 14. </div><div><p class="MsoNormal"><p></p></p></div>