- Tíðindi, mentan og ítróttur
Fyrstilærari í Hósvíkar skúla meldað fyri harðskap
<p>Hendingin, sum nú er meldað til politiið, fór - sambært pápanum hjá gentuni - fram 23. mai 2012, tá fyrstilærarin í skúlanum í Hósvík skal hava verið harðlig og á tann hátt hava gjørt seg inn á eina 12-ára gamla gentu í skúlanum.</p><div>Sambært skjølum, sum útvarpið hevur fingið innlit í, er skúlaleiðarin meldaður fyri at hava tikið harðliga í høgra arm á 12-ára gomlu gentuni, lagt hana á gólvið fyri síðani at hava sligið gentuna á høgra yvirarm.</div><div><br></div><div>Sum útvarpið skilir, er málið nú meldað til løgregluna, sum skal gera nærri kanningar. Á politistøðini fæst ikki váttan fyri, at arbeitt verður við málinum, bert at allar fráboðanir verða viðgjørdar á sama hátt, staðfestir vakthavandi.</div><div><br></div><div><b>Fyrstilærarin vísir ákærunum aftur</b></div><div><br></div><div>Kvinnan, sum er fyrstilærari í Hósvíkar skúla, kendi einki til, at hon skal vera meldað til politiið fyri at hava framt harðskap móti 12-ára gomlu gentuni, tá útvarpið setti seg í samband við hana mikumorgunin.</div><div><br></div><div>Tískil fer hon nú at seta seg í samband við sítt fakfelag, sum er Føroya Lærarafelag, til tess at fáa greiðu á, hvussu hon skal fyrihalda seg til ákærurnar, sum eru settar fram, og sum eisini er endað sum eitt politimál, sum útvarpið skilir.</div><div><br></div><div>Deildarstjórin á skúladeildini í Mentamálaráðnum, Olaus Jespersen, váttar, at pápin at 12-ára gomlu gentuni vendi sær til hansara fríggjadagin 25. mai 2012, tí pápin vildi hava í lag ein fund um harðskapsmálið.</div>
