- Tíðindi, mentan og ítróttur
Ikki fleiri samráðingar um blokkin
<div>Fleiri samráðingar vera ikki við donsku stjórnina um blokkin. Tann samráðingin hevur verið og verður ikki roynd aftur.</div><div><br></div><div>Formaður Miðfloksins, Jenis av Rana, er avgjørdur í skrivi, hann hevur sent fjølmiðlunum.Jenis av Rana leggur afturat, at tað eru ikki bara hann og Miðflokkurin, sum siga hetta.</div><div><br></div><div>Hann sigur, at løgmaður og landsstýrismaðurin í fíggjarmálum komu aftur av samráðingarferð um heildarveitingina í Danmark sum av torvheiðum. </div><div><br></div><div><b>Taka úrslitið til eftirtektar</b></div><div><br></div><div>- Eftir heimkomuna høvdu vit fýra floksformenn í samgonguflokkunum fund um støðuna. Á fundinum var full semja um at taka úrslitið til eftirtektar og ikki fara aftur til samráðingar, hvørki tá ella seinni, sigur Jenis av Rana.</div><div><br></div><div>Tá Kaj Leo Holm Johannesen og Jørgen Niclasen vóru í Keypmannahavn í januar fyri at fáa blokkin prístalsviðgjørdan, hækkaði hann 8,6 mió. kr. í ár. Eingin avtala er millum landsstýrið og stjórnina um heildarveitingina næsta ár ella onnur ár. </div><div><br></div><div>Løgmaður hevur sagt, at hann hevur ikki slept ætlanini um at fáa blokkin hækkaðan 150 til 200 mió. kr. </div><div><br></div><div> </div><div><br></div>
