- Tíðindi, mentan og ítróttur
NRK vil tosa við hópdrápsmannin
<p>Men talan er ikki um at gera nakra samrøðu sum skal almannakunngerast, skrivar Aftenposten.</p><div><br></div><div>Áðrenn rættarmálið móti hópdrápsmanninum, ið tók lívið av 77 persónum á Utøya og í Oslo tann 22. juli í fjør, ynskti ongin norskur miðil at gera samrøður við hann.</div><div><br></div><div>Men nú hevur NRK sent eina umbøn um at tosa við hópdrápsmannin. Per Arne Kalbak, redaktørur á tíðindadeildini hjá NRK, sigur at tey hava spurt um møguligt er at fáa eina samrøðu við hann, men talan er ikki um eina samrøðu sum skal sendast í NRK.</div><div><br></div><div>Kalbak sigur at tey hava ein bólk sum hevur arbeitt við at málinum í meir enn eitt ár, og tey sita á nógvum upplýsningum. Nú ynskja tey so at spyrja hópdrápsmannin nærri um nøkur mál fyri at fáa hansara sjónarhorn.</div><div><br></div><div>Norskir miðlar eru varnir og umhugsa støðuna gjølla. John Arne Markussen, blaðstjóri á Dagbladet, sigur at tey ikki avvísa eina samrøðu við hann. Tey umhugsa tí støðuna, og koma møguliga at spyrja seg fyri um eina samrøðu sum kanska verður almannakunngjørd.</div><div><br></div><div>Hvørki Verdens Gang ella Aftenposten hava nakrar ætlanir um at gera samrøður við hópdrápsmannin<br><div><br></div></div>
