Liðið móti Týsklandi er úttikið

Tríggjar broytingar eru gjørdar síðani venjingardystin í Íslandi

Lars Olsen, venjari, og Jóannes Jakobsen, hjálparvenjari, hava úttikið liðið, sum skal spæla ímóti Týsklandi.

27.08.2012 - 12:54

<div>Lars Olsen, A-landsliðsvenjari í fótbólti hevur tikið út hópin, ið skal spæla móti Týsklandi í fyrsta HM-undankappingardystinum á hesum sinni.</div><div><br></div><div>Samanborið við hópin, sum var í Íslandi herfyri, eru tríggjar broytingar á liðnum. Inn eru komnir Súni Olsen, Klæmint A. Olsen og Erling Jacobsen. Teir avloysa Jóhan Troest Davidsen, Pætur Dam Jacobsen og Finn Justinussen.</div><div><br></div><div>Teir 19 spælararnir, sum fara við til Týsklands eru hesir:</div><div><br></div><div><b>Málverjar:</b> Jákup Mikkelsen, Gunnar Nielsen og Kristian Joensen. <b>Verjuleikarar:</b> Jónas Tór Næs, Rógvi Baldvinsson, Odmar Færø, Pól Jóhannus Justinussen, Erling Jacobsen og René S. Joensen. <b>Miðvallaleikarar</b>: Bogi Løkin, Súni Olsen, Fróði Benjaminsen, Christian Lamhauge Holst og Hallur Hansson.<b> Áleyparar:</b> Hjalgrím Elttør, Klæmint A. Olsen, Jóan Símun Edmundsson, Daniel Udsen og Símun Samuelsen</div><div><br></div><div>Málmaðurin Kristian Joensen og áleyparin Klæmint A. Olsen eru enn ikki skrásettir fyri nakran A-landsdyst.</div><div><br></div><div><b>Aðrir leikarar boðsendir</b></div><div><br></div><div><div>Afturat hesum 19 leikarum, hevur Lars Olsen sent boð eftir fimm leikarum av U21-landsliðnum, sum í fyrstu atløgu skulu venja við føroyska hópinum, í sambandi við fyrireikingarnar til dystin móti Týsklandi.</div><div><br></div><div>U21-leikararnir eru hesir:</div><div>Viljormur Davidsen, NSÍ, Rógvi S. Holm, HB, Gilli Sørensen, TB, Kaj Leo í Bartalsstovu, Víkingur, Karl Løkin, ÍF </div><div><br></div><div>HM-undankappingardysturin móti Týsklandi verður á AWD Arena í Hannover fríggjadagin 7. september, kl. 19:45.</div><div><br></div><div><br></div></div>