Uppskot: Blokkurin óbroyttur næsta ár

Sambært danska fíggjarlógaruppskotinum verður heildarveitingin til Føroya næsta ár 624 milliónir kr.

Bjarne Corydon, fíggjarmálaráðharri, skjýtur upp, at heildarveitingin til Føroya næsta ár verður óbroytt.

27.08.2012 - 13:58

<div>Heildarveitingin til Føroya næsta ár er tann sama sum í ár, sambært uppskotinum um donsku fíggjarlógina, sum varð almannakunngjørt í dag. Blokkurin er 624 mió. kr. Men samráðingar hava ikki verið enn millum landsstýrið og ríkisstjórnina um blokkin næsta ár. </div><div><br></div><div>Avtalan, sum varð gjørd í januar, um at hækka blokkin 8,6 mió. kr. upp í 624 milliónir, er bara galdandi fyri 2012. Blokkurin til Grønlands er prístalsviðgjørdur. Hann verður tríggjar milliardir og 633 milliónir krónur, 47 milliónir meira enn í ár.   </div>