- Tíðindi, mentan og ítróttur
Ala á Sandsvág og hagreiða á Sandi
<div>Ein nýggj roynd verður nú gjørd at ala á Sandsvág og at hagreiða fiskin í einum virki á Sandi.Tað er Poul Hansen, advokatur, sum fyri feløgini, Kimbil og Bacalao, hevur søkt um ali- og smoltloyvi frá Vinnumálaráðnum.</div><div><br></div><div>Tað almenna arbeiðir við at fáa fleiri aliøkir til vega í Føroyum, og tí ræður um at liggja framvið, fyri at sleppa upp í part. Tí hevur Poul Hansen, advokatur biðið Vinnumálaráðið um loyvi at ala smolt í smoltstøðini í Norðradali, og loyvi at fara undir aling á sjónum - á Sandsvág, í Hestfirði og út fyri Nesi í Eysturoy.</div><div><br></div><div><b>Keypt smoltstøð</b></div><div><br></div><div>Poul Hansen sigur, at hann í eina tíð hevur arbeitt við ætlanini, saman við serkønum. Tí varð smoltstøðin í Norðradali keypt í fjør, samstundis sum økið sum smoltstøðin stendur á, varð keypt frá Búnaðarstovuni.</div><div><br></div><div>At feløgini hava søkt um at sleppa at ala á Sandsvág, í Hestfirði og út fyri Nesi, er tí, at tey økini verða mett sum væl egnað til laksaaling. Ætlanin er, at aldi fiskurin skal hagreiðast á einum virki á Sandi, annaðhvørt í bygninginum sum stendur á havnaøkinum, um hann fæst til keyps fyri rímiliga upphædd, ella í einum virki, sum verður bygt til endamálið.</div><div><br></div><div><b>Stovna felag</b></div><div><br></div><div>Fáa feløgini loyvi at fara undir aling, so verður eitt felag stovnað, sum skal standa fyri alingini. Og tá er ætlanin at onnur skulu sleppa upp í part, sigur Poul Hansen.</div><div><br></div><div>Hann leggur dent á, at talan verður um eitt føroyskt felag burturav, og í viðtøkunum skulu gerast avmarkingar um, at ein tepur meiriluti av eigarunum, ikki kann selja felagið til aðrar, ella til sín sjálvs. </div><div><br></div><div>Verður loyvið givið til at ala, so er ætlanin at byrja varisliga, og síðani at útbyggja virksemið eftir tørvi, sigur Poul Hansen.</div><div><br></div><div><br></div><div><br></div>
