- Tíðindi, mentan og ítróttur
Fíggjareftirlitinum vantar dugnaligt fólk
<div>- Fíggjareftirlitið hevur ikki hóming av, hvat í veruleikanum fyriferst í bankunum.</div><div><br></div><div>Tað sigur Henning Kruse Petersen, fráfarandi nevndarformaður í Finansiel Stabilitet, í samrøðu við Børsen. Atfinningin frá Henning Kruse Petersen móti Fíggjareftirlitinum byggir á, at eftirlitinum vantar fólk, sum hava royndir úr vinnulívinum.</div><div><br></div><div><b>Einki veruligt eftirlit</b></div><div><br></div><div>- Fíggjareftirlitið hevur dugnalig starvsfólk, sum vanta royndir og grundleggjandi innlit í, hvat gongur fyri seg. Eg harmist um at staðfesta, at Fíggjareftirlitið hevur ikki eitt veruligt eftirlit, men arbeiðið er lagt í tímatalvur og er reglubundið. Kreditt-royndir fært tú ikki sum alment sett starvsfólk, sigur Henning Kruse Petersen í samrøðuni við Børsen.</div><div><br></div><div>Fráfarandi nevndarformaðurin í Finansiel Stabilitet skjýtur tí upp, at bankarnir í eini turnusskipan veita Fíggjareftirlitinum dugnalig kredittfólk til eftirlitisuppgávurnar. Stjórin fyri Fíggjareftirlitið, Ulrik Nødgaard, hevur ikki hug at gera viðmerkingar til orðini hjá Henning Kruse Petersen.</div><div><br></div><div>Í samrøðuni við Børsen leggur Henning Kruse Petersen bankavinnuna undir at hava verið stýrd av ráðaríkum stjórum, og at tey, sum hava mannað bankanevndirnar, hava ikki verið nóg væl skikkað.</div><div><br></div><div><br></div>
