- Tíðindi, mentan og ítróttur
Málið um aðalstjóra endar kanska í rættinum
<div>Málið um fráfarna aðalstjóran í Mentamálaráðnum endar møguliga í rættinum.Tað gera Leivur Harryson og advokatur hansara, Hans Trúgvi Teirin, greitt.</div><div><br></div><div>Tá fjølmiðlar bóðu um innlit í málið, fekk nú fyrrverandi aðalstjórin innlitsumbønina til ummælis. Leivur Harryson vil ikki hava málið út til almenningin. Eftir hansara tykki er talan um eitt sonevnt ?virkið starvsfólkamál?, ið ikki er eigur at verða fevnt av innlitsumbønini. Í øðrum lagi heldur fyrrverandi aðalstjórin, at her er talan um innanhýsis arbeiðsskjøl. </div><div><br></div><div>Og víðari skrivar Leivur Harryson, at</div><div><br></div><div><b>- í triðja lagi vil eg vísa á, at samskifti/tingingar er í løtuni um míni starvsviðurskifti, og at eitt rættarmál í hesum sambandi kann koma upp á tal.</b></div><div><br></div><div>Løgmansskrivstovan hevur fyribils ikki vilja útflýggjað skjølini í uppsagnarmálinum. </div><div><br></div><div><b>Segði seg úr starvi</b></div><div><br></div><div>Úr journalyvirlitinum framgongur, at Leivur Harryson segði seg úr starvi í telduposti til Marjuna Hanusardóttir, løgmansstjóra, og Bjørn Kalsø, landsstýrismann, mikukvøldið 15. august, klokkan 22:40</div><div><br></div><div>Morgunin eftir, klokkan 06:38, sigur Leivur Harryson í telduposti til Marjuna Hanusardóttir, at hann fer at leita sær ráðgeving í sínum starvsviðurskiftum.</div><div><br></div><div>Klokkan 07:55 sama hósmorgun sendir Leivur Harryson teldupost til landsstýrismannin í mentamálum, har hann takkar fyri samstarvið, og annars boðar frá, at "hann í gjárkvøldið hevur ruddað upp á síni skrivstovuni og kemur ikki aftur til arbeiðis í Mentamálaráðnum."</div><div><br></div><div>Klokkan níggju svarar Marjun Hanusardóttir, har hon váttar móttøku av uppsøgnini og játtar at Leivur Harryson tekur upp samband við ráðgeva.</div><div><br></div><div><b>Tekur uppsøgnina aftur</b></div><div><br></div><div>Ráðgevin hjá aðalstjóranum, Hans Trúgvi Teirin advokatur, mælir sama fyrrapart Leivi Harryson til at taka uppsøgnina aftur sum skjótast. Tað ger Leivur Harryson klokkan 15:20 sama hósdag, 15. august.</div><div><br></div><div>Ein tíma seinni, klokkan 16:22, fær Leivur Harryson teldupost frá løgmansstjóranum. Ikki um afturtøkuna av uppsøgnini, men í staðin eina fráboðan um, at landsstýrismaðurin fer at kunna starvsfólkini í Mentamálaráðnum um, at aðalstjórin ikki kemur aftur til arbeiðis.</div><div><br></div><div>Klokkan 16:28 sendir advokaturin hjá Leivi Harryson teldupost til løgmansstjóran, har hann tekur uppaftur, at uppsøgnin er tikin aftur. Hálvan tíma seinni sendir Løgmansskrivstoan út tíðindaskriv, har boðað verður frá, at Leivur Harryson hevur sagt seg úr starvi sum aðalstjóri, og at Poul Geert Hansen er nýggjur aðalstjóri í Mentamálaráðnum.</div><div><br></div><div><b>Á veg í rættin</b></div><div><br></div><div>Men málið endar ikki her. Hans Trúgvi Teirin, advokatur hjá Leivi Harryson, váttar í dag fyri útvarpinum, at málið er á veg í rættin.</div><div><br></div><div>- Tað snýr seg um at fáa landsstýrið at viðurkenna, at afturtøkan av uppsøgnini er í lagi. Heldur landsstýrið fast um, at uppsøgnin framvegis skal takast til eftirtektar, so endar málið í rættinum, sigur Hans Trúgvi Teirin.</div><div><br></div><div>Hann fer tá at royna at fáa rættin at noyða landsstýrið at viðurkenna afturtøkuna av uppsøgnini. Tað merkir, at landsstýrið skal viðurkenna, at Leivur Harryson enn sum áður er tænastumaður í aðalstjórastarvi.</div><div><br></div><div>Higartil hevur Leivur Harryson noktað fjølmiðlunum innlit í málið. Men endar málið í rættinum, so fer stevningin at innihalda øll skjøl í málinum, sum tá verða almannakunngjørd, sigur Hans Trúgvi Teirin.</div><div><br></div>
