- Tíðindi, mentan og ítróttur
Trygd: Eingin kapping frá útlendingum
<div>Tryggingarfelagið Trygd hevði 8,4 mió. kr. í vinningi eftir skatt fyrra hálvár. Tað er hálv fjórða millión minni enn í fjør. Men sambært Trygd var 2011 eitt óvanliga gott ár. Tryggingartekniska úrslitið var 9,1 mió. kr. í ár. Tað var 13,7 mió. kr. fyrra hálvár í fjør. </div><div> </div><div>Fráboðaðu skaðarnir eru á leið líka nógvir í ár sum í fjør. Tó eru skaðaendurgjøldini nakað hægri enn í fjør. Orsøkin er fyrst og fremst ódnin jóladag. Tann 30. juni í ár var eginognin hjá Trygd 97,4 mió. kr. </div><div><br></div><div><b>14-16 mió. kr. í ár</b></div><div><br></div><div>Leiðslan í Trygd væntar, at inntøkurnar seinna hálvárið vera á leið tær somu sum fyrra hálvárið. Felagið metir, at nettoúrslitið fyri alt árið 2012 verður 14-16 mió. kr. Harða kappingin millum tryggingarfeløgini um prísir og treytir fer helst at halda fram, væntar leiðslan í Trygd.</div><div><br></div><div>Hóast føroyski skaðatryggingarmarknaðurin varð latin upp fyri bæði íslendskum og donskum veitarum fyri tveimum árum síðani, hevur einki útlendskt felag av álvara gjørt vart við seg á føroyska marknaðinum, sigur leiðslan í Trygd í hálvársfrágreiðingini. </div><div><br></div><div>Lógarbroytingin gjørdi eisini sær, at føroysk tryggingarfeløg kunnu selja tryggingar og tryggingartænastur í Danmark. Men í løtuni hevur Trygd tó ongar ítøkiligar ætlanir um at virka í Danmark í 2012.</div><div><br></div>
