- Tíðindi, mentan og ítróttur
Føroyar og Ísland skulu ikki hava meiri makrel
<div>Tilboðini um størri makrelkvotur, sum Føroyar og Ísland hava fingið, eiga at verða tikin aftur. Og svartkjaftaavtalan skal endurskoðast. Tað krevur vinnan í Noregi og ES, sum hevur hvest svørðið nú nakrar dagar fyri toppfundin um makrel, sum verður í London mánadagin.</div><div><br></div><div>Tað hendi á fundi við Mariu Damanaki, fiskivinnukommisser í ES, í Brússel fyrradagin. </div><div><br></div><div><b>11 krøv</b></div><div><br></div><div>Maria Damanaki varð biðin um at brúka alla sína politisku megi til at fáa eina, sum tikið verður til, rættvísa loysn á trætuni um makrelbýtið. Vinnan legði 11 krøv fyri Mariu Damanaki. Krøvini eiga at verða grundarlagið undir nýggjari avtalu um makrelin, siga vinnulívsfólkini í ES og Noregi. Tey siga eisini, at eingin avtala er betri enn ein vánalig avtala.</div><div><br></div><div>Eitt krav er, at Grønland, sum nú er farið at fiska makrel av álvara, ikki fær støðu sum strandarland og heldur ikki lut í kvotubýtinum. Eitt annað krav er, at ES gevst við at samráðast við Ísland um limaskap. </div><div><br></div><div><b>Krevja 15 prosent</b></div><div><br></div><div>Sambært gomlu avtaluni um makrelin eiga Føroyar knappliga fimm prosent av heildarkvotuni. ES og Norra eru komin upp á átta prosent til Føroya, men Føroyar krevja 15 prosent. Kvotan, sum Føroyar hava givið sær sjálvum í ár, er tó nøkur og tjúgu prosent.</div><div><br></div><div>Mánadagin hava strandarlondini fund á ráðharrastigi um makrelin. Fundurin verður í London. </div><div><br></div>
