- Tíðindi, mentan og ítróttur
Ógreitt um starvið verður lýst leyst
<div>Ikki er greitt enn, um starvið, sum Henrik Weihe Joensen hevði í samanlagda stovninum Fiskiveiðueftirlitið, Tilbúgvingarstovnurin og MRCC/Tórshavn Radio, verður lýst leyst. Henrik Weihe Joensen var stjóri á Tilbúgvingarstovninum, leiðari á Brunaumsjónini og fyribils leiðari á MRCC/Tórshavn Radio.</div><div><br></div><div>Samstarvstrupulleikar millum Henrik Weihe Joensen og Elmar Højgaard, stjóra á Fiskiveiðueftirlitinum og á samanlagda stovninum, gjørdu, at Henrik Weihe Joensen fór úr starvi hálvan august. Elmar Højgaard tók við leiðsluuppgávunum hjá Henrik Weihe Joensen, tá hann fór. </div><div><br></div><div><b>Ósamdir um tilbúgvingina</b></div><div><br></div><div>Henrik Weihe Joensen og Elmar Højgaard vóru ósamdir um, hvussu tilbúgvingin skal skipast, og um leiðsluna á samanlagda stovninum. Sjálvt navnið á nýggja stovninum kundu teir báðir ikki semjast um. Henrik Weihe Joensen vildi brúka navnið Tilbúgvingarstovnur Føroya. Men Elmar Højgaard vildi brúka gamla navnið Vaktar- og Bjargingartænastan. </div><div><br></div><div>Avgjørt er ikki enn, hvussu stovnurin skal eita, sigur aðalstjórin í Fiskimálaráðnum, Rógvi Reinert.</div><div><br></div><div><b>Gevast við samanleggingini</b></div><div><br></div><div>Henrik Weihe Joensen mælti eisini til at gevast við samanleggingini, men heldur skipa Tilbúgvingarstovnin og MRCC/Tórshavn Radio sum ein stovn og Fiskiveiðueftirlitið og annað í ein stovn. Hann kom við uppskoti um ein heilt nýggjan bygnað.</div><div><br></div><div>Men tað vann ikki frama í Fiskimálaráðnum. </div><div><br></div>
