- Tíðindi, mentan og ítróttur
Skarva nú av verkætlanini um skúladepilin
<p>Neyðugt verður at játta 50 milliónir krónur afturat um árið hetta til 2016, tá skúladepilin í Marknagili skal vera liðugur.</p><div><br></div><div>Orsøkin er, at tilboðini upp á skúlan eru 155 milliónir krónur dýrari, enn Landsverk hevur mett. Tilboðini vórðu latin upp gjár, og sambært teimum fer handverkaraarbeiðið at kosta tilsamans 475 milliónir kr. Men Landsverk hevur mett, arbeiðið fór at kosta umleið 320 milliónir. </div><div><br></div><div>Sambært verklagslógini, sum løgtingið samtykti í 2008, skal skúladepilin í Marknagili kosta í mesta lagi 391 milliónir kr., og tá er innbúgvið ikki íroknað.</div><div><br></div><div><b>Skarva av verkætlanini</b></div><div><br></div><div>Men líkt er tó ikki til, at løgtingið verður biðið um at játta 155 milliónir krónur aftrat, tí tað er longu greitt, at skarvað verður av upprunaliga verkætlanini. </div><div><br></div><div>Ewald Kjølbro, stjóri á Landsverki, sigur í dag, at arbeiðið at skerja verkætlanina er byrjað, og fleiri sparingar eru á tekniborðinum. Jákup Pauli Johannesen, stjóri í Fuglark, ið hevur verið ráðgevi hjá Landsverki í sambandi við Marknagils-verkætlanina, hevur ongar viðmerkingar, men vísir til stjóran á Landsverki. </div><div><br></div><div>Bjørn Kalsø, landsstýrismaður, sigur, at hann bíðar nú eftir eini niðurstøðu frá Landsverki. Hann mælir tó frá at leingja byggiíðina, tí tað fer at gera skúlan uppaftur dýrari.</div>
