Tiltøk skulu fráboðast frammanundan

Tey, sum vilja gera vart við seg í tinghúsinum, skulu boða frá frammanundan

Skulu tiltøk vera í tinghúsinum, skulu tey boðast frá frammanundan. Tað hevur formansskapurin avgjørt.

29.08.2012 - 12:09

<div>Tað verður eingin drúgv og umfatandi reglugerð gjørd um, hvussu Løgtingshúsið kann brúkast til annað enn tingarbeiði. Men tey, sum vilja sleppa at gera vart við seg í tinghúsinum, eiga at boða frá frammanundan. </div><div><br></div><div>Formansskapurin hjá løgtinginum hevur viðgjørt spurningin, eftir at felagskapurin "Verjið børnini" fekk tingfólk og landsstýrisfólk at stilla upp til myndatøku í blusum, sum felagskapurin hevði við sær í tingið. Myndatøkan var í forhøllini í Tinhúsinum. </div><div><br></div><div><b>Vistu einki frammanundan</b></div><div><br></div><div>Hvørki formansskapurin ella umsitingin í løgtinginum visti nakað um átakið frammanundan, og tí er neyðugt við reglum um slíkt, segði Jógvan á Lakjuni, løgtingsformaður, eftir hendingina.</div><div><br></div><div>Formansskapurin hevur nú viðgjørt spurningin. Niðurstøðan varð, at øll, sum vilja sleppa at gera vart við seg í tinghúsinum, eiga at boða frá frammanundan, og so verður støða tikin í hvørjum einstøkum føri, um loyvi skal latast.</div><div><br></div><div>   </div><div><br></div>