- Tíðindi, mentan og ítróttur
Jarðskjálvti millum Grønland og Jan Mayen
<p></p><p>Ein harður jarðskjálvti hevur í dag verið á havleiðunum við Jan Mayen. Skjálvtin varð máldur til 6,6 á Richter-talvuni, sigur USGS-jarðfrøðistovnurin sambært Reuters.</p><p>Skjálvtin hevði miðdepil 93 kilometrar úr Jan Mayen, miðskeiðis millum Svalbard og grønlendsku eysturstrondina. Skjálvtin merktist á Jan Mayen, har hann elvdi til fleiri skriðulop, men ikki til oyðileggingar.</p><p>Tað sigur May Johansen, sum er sjúkrasystir á Jan Mayen, við Politiken.dk. Innbúgv á veðurstøðini rapaði, og glas fór í knús. </p><p><b>Harðari enn vanligt</b></p><p>Smáir jarðskjálvtar eru ikki óvanligir á Jan Mayen, men hesaferð var skjálvtin harðari enn teir plaga at vera. 20 fólk búleikast á Jan Mayen. Tey arbeiða á veðurstøðini og radarstøðini á oynni, ið er undir norskum valdi.</p><p>Hvørki á Svalbard ella í Grønlandi merktu tey til skjálvtan. Í Íslandi merktu tey smáar ristingar, skrivar NRK á netinum.</p><p>Ríkisfundur er í Grønlandi í kvøld. Helle Thorning-Schmidt, forsætisráðharri, Kaj Leo Holm Johannesen, løgmaður, og Kupiik Kleist, landsstýrisformaður, hittast í suðurgrønlendsku bygdini Igaliku. </p>
