Arbeiðsloysið tað minsta síðani 2010

Arbeiðsloysið er nú 5,4 prosent. Í dag eru tilsamans 1242 fólk skrásett sum arbeiðsleys í ALS. Tað eru 570 færri enn fyri góðum ári síðani

Í dag er 1242 fólk skrásett sum arbeiðsleys í ALS, 570 færri enn fyri góðum ári síðani.

Johnsigurd Johannesen

31.08.2012 - 11:44

<p>Samstundis sum Arbeiðsloysisskipanin í dag hátíðarheldur 20 ára dagin, boðar Hagstovan frá, at arbeiðloysið í løtuni er tað minsta síðani januar 2010, og tað minkar framvegis.</p><div>Í juli vóru 1454 fólk arbeiðsleys, 804 konufólk og 653 mannfólk. Tað eru 39 færri enn í juni. Arbeiðsloysið er minkað úr 5,6 prosentum niður í 5,4 prosent.</div><div>Fyri einum ári síðani vóru 1812 fólk arbeiðsleys, ella 6,4 prosent. </div><div><br></div><div><b>Í dag eru 1242 arbeiðsleys</b></div><div><br></div><div>Nýggjastu tølini hjá ALS vísa, at í dag eru tilsamans 1242 fólk arbeiðsleys, 709 kvinnur og 533 menn. 
</div><div><br></div><div>Hetta seinasta árið hava 224 fulltíðararbeiðsleysir menn aftur fingið arbeiði, og 143 konufólk. Arbeiðsloysið minkaði í øllum sýslum í juli. Í tali eru flest arbeiðsleys á Streymoynni, men roknað í prosentum av arbeiðsførum eru flest arbeiðsleys í Suðuroynni, sigur Hagstovan.</div><div><br></div><div><br></div><div><br></div>