- Tíðindi, mentan og ítróttur
Lundin skal friðast ávís tíðarskeið
<div>Lógin um fuglaveiði skal broytast, so landsstýrismaðurin í fiskivinnumálum kann friða fugl við kunngerð. Jacob Vestergaard hevur svarað spurningum frá Bjørt Samuelsen, løgtingskvinnu, um lundan, sum er minkaður nógv.</div><div><br></div><div>Landsstýrismaðurin sigur, at hagtøl vísa, at lundastovnurin er í minking, og at stovnurin er illa fyri. Veiðitøl vísa eisini, at so at siga einki verður tikið úr stovninum nú.</div><div><br></div><div><b>Fuglurin friðast ávíst tíðarskeið</b></div><div><br></div><div>Jacob Vestergaard sigur, at hann hevur umrøtt málið á landsstýrisfundi. Hann ætlar at fáa lógina um fuglaveiðu broytta, so landsstýrismaðurin fær heimild í kunngerð at friða fugl ávíst tíðarskeið, um stovnurin er illa fyri. </div><div><br></div><div>Avtalað varð, at málið skuldi takast upp aftur nú eftir ólavsøku. Málið verður ætlandi umrøtt innan stutta tíð, sigur Jacob Vestergard. Hann sigur, at hann fer kanska biðja fólk aðra staðni í landinum at gera tað sama sum tey í Mykinesi hava gjørt, at lata lundan fáa frið. </div><div> </div><div> </div><div><br></div><div> </div><div><br></div>
