- Tíðindi, mentan og ítróttur
EB/Streymur heldur fast
<div dir="ltr">Oddaliðið Eb/Streymur gjørdi eitt ordans "comeback",
tá teir á heimavølli vunnu 3-2 á HB. Havnaliðið var annars á odda 2-0 við málum, sum Fróði Benjaminsen skoraði, áðrenn Gert Hansen fekk minkað um munin stutt fyri hálvleik. </div><div dir="ltr"><br></div><div dir="ltr">Leikferðin var høg, og gott fótbælspæl var at
síggja. HB hevði onkran risamøguleika at avgera dystin í seinna hálvleiki, men teir
vóru ikki nóg avgjørdir. Tá eitt korter var eftir, kom hálvskaddi liðformaðurin
hjá Eb/Streymi Egil á Bø inn í álopi. </div><div dir="ltr"><br></div><div dir="ltr">Hann vendi dystinum, tá hann fyrst tríggjar minuttir fyri tíð
kom at standa púra fríur í brotsteiginum og stútaði bóltin í málið, og síðani í
yvirtíðini var hann aftur á blettinum og tryggjaði heimaliðnum øll trý stigini.</div><div dir="ltr"><br></div><div dir="ltr">Á Tvøroyri fingu fuglfirðingar øll trý stigini, tá teir vunnu 2-1 á TB. Clayton Suarez skoraði bæði málini hjá ÍF, meðan liðformaðurin hjá TB, Óli Johannesen, skoraði upp á beinleiðis fríspark. </div><div dir="ltr"><br></div><div dir="ltr">Í Klaksvík vann Kí 2-1 á NSÍ í einum ikki serliga vælspældum dysti. Tað kom ikki lív í dystin, fyrren 20 minuttir vóru eftir at leika. Klæmint Olsen gjørdist fríur og setti bóltin trygt í netið. Bara fimm minuttir seinni
javnaði Páll Klettskarð við góðum langskoti, og stutt fyri leiklok avgjørdi sami Páll Klettskarð dystin fyri heimaliðið.<br> <br>Víkingur vann trygt í Sarpugerði ímóti FC Suðuroy. Úrslitið av dystinum var 3-1 til heimaliðið. Hjartvard Hansen, Sølvi Vatnhamar og Kaj Leo í Bartalsstovu skoraðu málini hjá Víkingi, meðan Heini Vatnsdal átti málið hjá suðuroyingunum. </div><div dir="ltr"><br></div><div dir="ltr">B36 vann 1-0 á B68 í Gundadali. Tað hendi ikki
nógv í dystinum, og tað mesta gekk fyri seg á miðjuni. Tá
20.minuttir restaðu í av dystinum, skoraði Lukasz Cieslewicz við góðum skoti
beint uttan fyri brotsteigin til 1-0. B68 sendi síðani nógv fólk fram, men tað eydnaðist ikki at fáa útjavnandi málið. <br> <br>Støðan í Effo-deildini eftir 22.umfør: <br> <br>EB/Streymur 45<br>ÍF 43<br>KÍ 40<br>Víkingur 40<br>HB 35<br>B36 30<br>NSÍ 27<br>B68 20<br>TB 19<br>FC Suðuroy 6<br><br>Fríggjakvøldið leikar A-landsliðið ímóti Týsklandi í
HM-undankappingini, og sostatt er 23.umfar ikki á skránni fyrr enn 12.september. Tá
eru dystirnir
hesir:<br> <br>B36 - EB/Streymur<br>Víkingur - ÍF<br>KÍ - TB<br>NSÍ - HB<br>FC
Suðuroy - B68<br><br></div>
