- Tíðindi, mentan og ítróttur
Fegnast um at fiskivinnan verður endurskoðað
<div>Høvi er nú at gera fiskivinnuna til høvuðsmotorin, sum skal skapa vøkstur.Tað sigur Búskaparráðið í nýggjastu frágreiðing síni.</div><div> </div><div>Búskaparráðið frøist um, at løgtingið nú hevur sett sær fyri at endurskoða allan fiskivinnupolitikkin. Hetta høvi eigur at nýtast til at skipa fiskivinnuna, so at hon aftur fer at geva yvirskot. </div><div><br></div><div><b>Dirvi skal til</b></div><div><br></div><div>Verandi fiskivinnupolitikkur skal ikki bert dagførast, men dirvi skal til at gera grundleggjandi broytingar. Fiskidagaskipanin og umsitingin av </div><div>fiskirættindum klára ikki at gera fiskivinnuna til tann høvuðsmotorin, sum skal skapa vøkstur aftur. </div><div><br></div><div> - Vit eru í eini støðu, har okkara høvuðsvinna ikki gevur yvirskot, samstundis sum fiskastovnarnir bara minka. Sjálvandi ber tað ikki til. Seinastu árini hava vit dagført og tillagað, men vit hava ikki rokkið málinum um eina fiskivinnu, sum gevur yvirskot. sigur Thomas Dam, formaður í Búskaparráðnum. </div><div><br></div><div><b>Latið ókeypis</b></div><div><br></div><div>- Makrelbýtið í summar vísti, at landsins virði vórðu latin mest sum ókeypis og óskipað til útvaldar skipabólkar. Her skulu greiðar leiðreglur gerast. Bæði vinnan og borgarin eiga greitt at vita, hvussu landsins ríkidømi verður býtt. Býtið skal gerast eftir marknaðarligum leisti og ikki sum nú - mest einum politiskum leisti, sigur Búskaparráðið millum annað í síni nýggjastu frágreiðing, sum verður løgd fram nú.</div><div><br></div>
