- Tíðindi, mentan og ítróttur
Kanska makrel-avtala í dag
<p>Kanska fer tað eydnast ES-londunum, Noregi, Íslandi og Føroyum at gera eina avtalu um makrelbýti longu í dag. Politisk umboð á hægsta stigi úr øllum strandalondunum eru á makrelfundi í London í hesum døgum.</p><div>Norska Fiskeribladet/Fiskaren skrivar, at ES leggur trýst á hini londini um at fáa eina avtalu í lag, tí ES vil hava enda á makrelósemjuni, nú samráðingar eru við Ísland um limaskap.</div><div><br></div><div><b>14 prosent tilsamans</b></div><div><br></div><div>Sambært seinasta tilboðnum skuldu Ísland og Føroyar fáa 14 prosent av heildarkvotuni, men bæði londini hava higartil havnað tilboðnum. Fiskeribladet/Fiskaren skrivar, at nú bendir sumt á, at Ísland og Føroyar eru sinnað at góðtaka at fáa 14 prosent tilsamans, og at kvotan verður býtt javnt millum londini, við sjey prosentum í part. Eisini ljóðar, at føroysk og íslendsk skip afturfyri skulu fáa avmarkaða atgongd til norskan og ES-sjógv.</div><div><br></div><div>Góðtaka Ísland og Føroyar at býta 14 prosent av heildarkvotuni, ber tað í sær, at norski parturin minkar umleið trý prosent, skrivar Fiskeribladet/Fiskaren. </div>
